Vaşinqtonda güclü tufan və daşqın xəbərdarlığı edildi

ABŞ-ın paytaxtı Vaşinqtonda bəzi bölgələrində şiddətli tufan və daşqın olacaq.

Busaat.az xəbər verir ki, bu barədə ölkənin Milli Meteoroloji Xidmətin (NWS) açıqlama yayıb.

Şiddətli tufan və daşqınların təsirli olacağı, binaların dam örtüyünə və pəncərələrinə ziyan dəyə biləcəyi ilə bağlı əhaliyə xəbərdarlıq edilib.

Şiddətli fırtınanın paytaxt Vaşinqton və Merilend ştatının bəzi bölgələri istisna olmaqla, Virciniya ştatının şimal hissələrinə gecə saatlarına qədər təsir edəcəyi deyilib.

Bildirilib ki, həddindən artıq yağış nəticəsində çay və dərə məcralarının daşması, alçaq və sel təhlükəsi olan əraziləri su basa bilər.

Bundan əlavə, fırtınanın gecə yarısına doğru azalacağı, yağışın səhər saatlarına qədər davam edəcəyi qeyd edilib.