Vladimir Putinlə Nikol Paşinyan arasında telefon danışığı olub - Kreml

Ermənistan  tərəfinin təşəbbüsü ilə Vladimir Putin və Ermənistan Respublikasının baş naziri Nikol Paşinyan arasında telefon danışığı baş tutub.

Busaat.az xəbər verir ki, bu barədə Kremlin mətbuat xidməti məlumat yayıb.

Telefon danışığı zamanı Qarabağ ətrafındakı vəziyyət, o cümlədən Laçın dəhlizi ilə maneəsiz nəqliyyat əlaqəsinin təmin edilməsi məsələləri müzakirə edilib. Rusiya, Ermənistan və Azərbaycan liderlərinin 2020-2022-ci illər üçün bütün sazişlər kompleksinin ardıcıl həyata keçirilməsinin prinsipial əhəmiyyəti vurğulanıb.

Putin Rusiya tərəfinin Ermənistan-Azərbaycan sülh müqaviləsinin inkişafına əməli dəstəyi davam etdirməyə hazır olduğunu bir daha təsdiqləyib.

Müxtəlif səviyyələrdə təmasların davam etdirilməsi barədə razılıq əldə olunub.

Busaat.az