Vyana Rusiya ilə dialoqa çağırır - Aleksandr Şallenberq

Vyana Moskva ilə qeyri-rəsmi əlaqə kanalını saxlayır və Ukrayna münaqişəsinə baxmayaraq, Rusiya ilə dialoqa çağırır.

Busaat.az xəbər verir ki, bu barədə Avstriyanın xarici işlər naziri Aleksandr Şallenberq bildirib.

Şallenberq Almaniyanın “Die Welt” qəzetinə müsahibəsində deyib: “Qərb Rusiya ilə ABŞ hökumətinin etdiyi kimi danışmağa davam etməlidir”.

Onun sözlərinə görə, Rusiya ilə gələcək danışıqlar üçün ATƏT və BMT kimi beynəlxalq platformalardan istifadə edilməlidir.

Şallenberq Vyananın Moskva ilə qeyri-rəsmi kanallar vasitəsilə əlaqə saxladığını xatırladıb.

“Rusiya Aİ-nin ən böyük coğrafi qonşusu və dünyanın əsas nüvə dövləti olaraq xəritədən silinməyib”, – o deyib.

Busaat.az