Xersonda da Rusiyaya birləşmək üçün referendum istənildi: "Əminəm ki, Rusiya rəhbərliyi..."

Xerson vilayətinin yerli hakimiyyəti regionun Rusiyaya birləşdirilməsi məqsədilə referendum təşkilinə qərar verib.

Busaat.az xəbər verir ki, bu barədə məlumatı regionun hərbi-mülki administrasiya rəhbəri Vladimir Saldo öz Teleqram kanalında bildirib.

“Əminəm ki, Rusiya rəhbərliyi referendum nəticələrini qəbul edəcək və Xerson vilayəti Rusiyanın tərkibinə daxil olacaq”– deyə, Saldo qeyd edib.

Məsələ ilə bağlı Xerson Vilayətinin İctimai Şurrasının sədri Vladimir Ovçarenko qeyd edib ki, müraciət bir sıra təkliflərə, ictimai orqanların və Xerson sakinlərinin istəklərinə əsaslanır.

Məlumata görə, Şura üzvləri müraciəti yekdilliklə dəstəkləyib. Bundan əlavə, qondarma Luqansk Xalq Respublikası Vətəndaş Palatası respublikanın rəhbəri Leonid Paseçniki dərhal Rusiyaya qoşulmaq üçün referenduma çağırıb. Bu addımın respublikanın təhlükəsizlikliyini təmin etmək və onun yenidən qurulması üçün yeni imkanlar açmaq üçün faydalı olacağı bildirilib.

Busaat.az