Yağışdan qaçanların üzərinə dam çökdü: 6 ölü

Taylandda bir məktəbdə yağışdan qaçan şagirdlərin sığındıqları binanın damının uçması nəticəsində 4-ü uşaq olmaqla 6 nəfər həyatını itirib.

Busaat.az xarici mediaya istinadən xəbər verir ki, ölkənin Phichit bölgəsinin fəlakətlərin qarşısının alınması və ictimaiyyətlə əlaqələr bölməsinin sosial media hesabından edilən açıqlamada bölgədə güclü yağış və tufanların təsirli olduğu bildirilib.

Açıqlamada, Phichitdəki Wat Nern Por İbtidai məktəbinin şagirdlərinin yağışdan qorunmaq üçün məktəbin fəaliyyət mərkəzinə sığındıqları bildirilib.

Fırtınanın təsiri ilə mərkəzin metal damının uçması nəticəsində 4 şagird, bir valideyn və təmizlik işçisinin həyatını itirdiyi, 18 nəfərin yaralandığı bildirilib.

Taylandın meteorologiya bölməsi yağışların bu həftə ölkənin şimal bölgələrində təsirli olacağı barədə xəbərdarlıq edib.

Busaat.az