Yaponiya hərbi büdcəsini artırır

Yaponiyada növbəti ortamüddətli müdafiə proqramının dəyərinin 48 trilyon yen (327 milyard dollar) olacağı gözlənilir.

Busaat.az xəbər verir ki, bu barədə Yaponiya Müdafiə Nazirliyi məlumat verib.

Məlumata görə, gələn maliyyə ilində başlayacaq 5 illik ortamüddətli müdafiə proqramının dəyərinin 48 trilyon yen (327 milyard dollar) olacağını proqnozlaşdırılıb. Yeni proqramla Yaponiya ilin sonuna kimi “Milli Təhlükəsizlik Strategiyası, Milli Müdafiə Proqramı Prinsipləri və Ortamüddətli Müdafiə Proqramı” kimi 3 kritik milli doktrinanı yeniləyəcək.

Milli müdafiə qabiliyyətini artırmağı hədəfləyən Yaponiya 5 ildir həyata keçirdiyi ortamüddətli müdafiə proqramını bu çərçivədə yeniləyəcək.

Hökumət proqnozlaşdırılan maliyyə həcmini təsdiq edərsə, yeni məbləğ hazırkı ortamüddətli müdafiə proqramından təxminən 1,7 dəfə çox olacaq.

Busaat.az