Yaponiyada 6,5 bal gücündə zəlzələ baş verib
Yaponiyanın episentri İşikava prefekturasında olan 6,5 bal gücündə zəlzələ baş verib. Sunami riskinin olmadığı açıqlanarkən, 1 nəfərin pilləkənlərdən yıxılaraq öldüyü bildirilib.
Busaat.az xəbər verir ki, Yaponiya Meteorologiya Agentliyindən (JMA) verilən məlumata görə, zəlzələ yerli vaxtla saat 14:42-də İşikava əyalətinin sahillərində baş verib.
Zəlzələnin 10 kilometr dərinlikdə qeydə alındığı bildirilərkən, başda Niiqata, Toyama, Fukui və Fukuşima əyalətləri olmaqla bir çox bölgədə hiss olunduğu açıqlanıb. Sunami təhlükəsinin olmadığı bildirilib. JMA sahil bölgələrində dəniz səviyyəsində dəyişikliklərin baş verə biləcəyi barədə xəbərdarlıq edib.
Yaponiya Nazirlər Kabinetinin Baş Katibi Hirokazu Matsuno zəlzələdən sonra verdiyi açıqlamada hökumətin zəlzələnin təfərrüatlarını təsdiqləməyə çalışdığını, zəlzələnin episentri olan İşikava əyalətində bəzi evlərin dağıldığına dair məlumat aldıqlarını qeyd edib.
Matsuno bildirib ki, İşikava əyalətindəki Şika Atom Elektrik Stansiyasının işində heç bir anomaliya aşkar edilməyib.
Busaat.az
