Sakit okeanda gərginlik artdıqca Yaponiya orduya ayrılan büdcəni 320 milyard dollar səviyyəsinə qədər artırıb.
Busaat.az xəbər verir ki, Yaponiya hökuməti bununla da ordunun daha yaxşı inkişafını hədəfləyir.
Yaponiya gözlənilməz bir addımla yapon ordusunun gücünü artırmaq üçün 320 milyard dollar xərcləyəcəyini açıqlayıb. 77 illik pasifizm siyasətindən əl çəkən Yaponiyanın hərbi addımı Çinə meydan oxumaq kimi qiymətləndirilib.
İkinci Dünya Müharibəsindən sonra ölkə təhlükəsizlik siyasətində əsaslı dəyişiklik edib və düşmən bazalarını vurmaq qabiliyyətinə sahib olmaq strategiyasına keçib. Çini vura biləcək raketlərin Yaponiya ordusuna əlavə ediləcəyi və Rusiyanın Ukraynaya müdaxiləsi nəticəsində artan regional gərginlik və müharibə narahatlığına paralel olaraq ordunun uzunmüddətli hərbi qarşıdurmaya hazırlanacağı açıqlanıb.
Baş nazir Fumio Kişida hökuməti narahatdır ki, Rusiyanın müəyyən etdiyi presedent Çini Tayvana hücuma təşviq edə bilər. Çinin Tayvana hücumu yaxınlıqdakı Yapon adalarına təhlükə yarada və Yaxın Şərq neftinin tədarük olunduğu dəniz zolaqlarında Çinin hökmranlığına səbəb ola bilər.
Yeni plana əsasən, Yaponiyada 5 illik müdafiə büdcəsi 2023-cü maliyyə ilindən başlayaraq 43 trilyon yenaya (315 milyard dollar), illik müdafiə büdcəsi isə 2027-ci ilə qədər ümumi məhsulun 2 faizinə qədər artırılacaq.
Busaat.az
