Yaponiyanın Epsilon S raketinin mühərriki sınaq zamanı partlayıb

Yaponiya Aerokosmik Tədqiqatlar Agentliyi (JAXA) tərəfindən hazırlanan Epsilon S raketinin mühərriki bu gün Akita prefekturasındakı Noshiro Test Mərkəzində sınaq zamanı partlayıb.

Kyodonews.net xəbər verir ki , partlayış raketin buraxılışından  təqribən 55 saniyə sonra, ikinci mərhələ mühərrikinin yerdə sınağı başlayan zaman baş verib.

Partlayış  nəticəsində xəsarət alan olmayıb.

Epsilon S, 2013-cü ildən istifadədə olan Epsilon raketini  əvəz etməlidir. Bu, təxminən 27 m uzunluğunda və 2,5 m diametrdə olan nisbətən kiçik raketdir. Raket, 600 kq-dan çox faydalı yükü günəşlə sinxron orbitə, 1,4 tondan çox faydalı yükü isə aşağı Yer orbitinə daşımaq gücündədir.

Bu seriyanın ilk raketi 2013-cü ildə partladı, o vaxtdan sonra beş model uğurla kosmosa buraxıldı, lakin 2022-ci ildə Epsilon-6 nəzərdə tutulan trayektoriyadan kənara çıxandığı üçün özünü məhv etmək əmri aldı.

Qeyd edək ki, Epsilon seriyalı raketlər bərk yanacaqlardan istifadə edir və maye yanacaqlarla müqayisədə buraxılış hazırlıqlarını asanlaşdırır.

Busaat.az