Yaşıl bitki örtüyü ilə tanınan Havay meşə yanğınlarına təslim oldu: 36 nəfər öldü

ABŞ-ın tropik zəngin bitki örtüyünə malik və quraqlıqdan uzaq ştatı Havayda 36 nəfərin ölümünə səbəb olan meşə yanğınlarıdavam edir.

Busaat.az “New York Times” qəzetinə istinadən xəbər verir ki, buna səbəb iqlim dəyişikliyinin olduğu bildirilir.

Havay və Kolorado universitetlərindən alimlərin 2015-ci ildə apardıqları araşdırmaya əsasən, Havay adalarının illik orta yağıntılarda uzunmüddətli azalma yaşadığı bildirilib.

1990-cı illərdən etibarən yağışlı mövsümdə alınan yağıntıların miqdarının 31 faiz, quraqlıq dövründə alınan yağıntıların isə 6 faiz azaldığı bildirilir.

3 böyük yanğına görə Maui adası fəlakət bölgəsi elan edilib.