Sahara səhrasında baş verən termal partlayış səbəbindən Avropanın cənub ölkələrində hava həddindən artıq isti ola bilər.
Busaat.az xəbər verir ki, bu barədə Bloomberg meteoroloji xidmətin proqnozlarına istinadən məlumat yayıb.
Meteoroloji proqnozlara görə, İtaliyada havanın temperaturu rekord +50°C-yə çata bilər.Qeyd edilir ki, Avropada temperatur rekordu 2021-ci ildə, Siciliyada + 48°C-də qeydə alınıb, lakin Şimali Afrikadan gələn yeni isti dalğası bir anda bir neçə Avropa regionunda göstəriciləri yeniləyə bilər.
Məqalədə qeyd olunur ki, hazırda Afinada, Romada və Madrid şəhərində anomal isti hava şəraiti hökm sürür.
Agentliyin məlumatına görə, artıq Avropanın cənubundakı ölkələr hava şəraitinin dəyişməsi ilə əlaqədar baş verə biləcək yanğınlar, nəqliyyat və enerji infrastrukturunda nasazlıqlar barədə insanları xəbərdar etməyə başlayıb.
Busaat.az
