Yaxın günlərdə Türkiyə, Suriya və Rusiya xarici işlər nazirlərinin görüşü BƏƏ-də baş tuta bilər.
Busaat.az xarici mediaya istinadən xəbər verir ki, Suriya prezidenti Bəşər Əsəd Dəməşqə səfərə gələn BƏƏ-nin xarici işlər və beynəlxalq əməkdaşlıq naziri Abdullah bin Zayed Əl Nəhyan ilə danışıqlar aparıb.
Türkiyənin xarici işlər naziri Mövlud Çavuşoğlu daha əvvəl bəyan edib ki, Ankara yanvarın ikinci yarısında Türkiyə və Suriya XİN başçıları arasında görüş keçirməyi təklif edib. Türk diplomatın sözlərinə görə, görüşün üçüncü ölkədə, o cümlədən Rusiyada keçirilməsi mümkündür.
Qeyd edək ki, son 11 ildə ilk dəfə dekabrda Türkiyə və Suriya müdafiə nazirləri arasında görüş baş tutub və bu görüş Rusiyada keçirilib.
Busaat.az
