Ukrayna prezidentinin xanımı Yelena Zelenskaya təhlükəsizlik səbəblərinə görə, əri Vladimir Zelenski ilə birlikdə yaşamadığını bildirib.
Busaat.az xəbər verir ki, Zelenskaya bu barədə “The Jerusalem Post”a müsahibəsində deyib.
O, Rusiya raketlərinin gecə hara düşdüyünü bilmək üçün günə xəbərləri izləməklə başladığını vurğulayıb.
Ukraynanın birinci xanımı gün ərzində ofisə baş çəkdiyini, psixi sağlamlıq xidməti, məktəbdə naharların keyfiyyətinin yaxşılaşdırılması və məişət zorakılığı qurbanlarına kömək kimi layihələr üzərində işlədiyini açıqlayıb.
Zelenskaya qeyd edib ki, o, həyat yoldaşından ayrı yaşayır və hər gün iki övladının yanına qayıdır.
“Əgər bacarsaq, ofisdə nahar masasında görüşürük. Hazırda heç birimiz istirahət və ya asudə vaxt keçirə bilmirik” – Zelenskya əlavə edib.
Busaat.az
