Cənubi Afrika Respublikasının Prezidenti Siril Ramafosa Rusiya Prezidenti Vladimir Putin və Ukrayna Prezidenti Volodimir Zelenski ilə danışıqlar aparıb.
Busaat.az “Bloomberg”-ə istinadən xəbər verir ki, prezident bu barədə Sinqapurun baş naziri Li Hsien Loong ilə keçirdiyi görüşdə bildirib.
Onun sözlərinə görə, bir sıra Afrika liderləri Rusiya və Ukrayna arasında münaqişəyə son qoymaq üçün özlərinin sülh təşəbbüsü ilə çıxış ediblər. Afrika dövlət başçılarından ibarət nümayəndə heyəti bu planı təqdim etmək üçün Moskva və Kiyevə səfər etməyi planlaşdırır.
Afrika Ukraynadakı böhrandan narahatdır. Bu da birbaşa Afrika ölkələrinə təsir edir. Çünki müharibə ərzaq və yanacağın qiymətlərinin artmasına səbəb olur.
Prezident əlavə edib ki, bu sülhməramlı missiya münaqişənin sona çatmasına yönəlmiş müxtəlif digər missiyalara töhfə verəcək.
Busaat.az
