Xəbər verdiyimiz kimi, ABŞ Ukraynaya Rusiya işğalına qarşı mübarizə aparmaq üçün yeni yardım paketi ayırıb. Bu paketin həcmi 400 milyon dollara qədər qiymətləndirilir.
Busaat.az xəbər verir ki, bu barədə Pentaqon məlumat yayıb.
Məlumata görə, ən son hərbi yardım paketinin bir hissəsi olaraq ABŞ Ukraynaya daha çox HARM anti-radar raketləri və Mobil Artilleriya Raket Sistemləri və ya HİMAR və Milli Qabaqcıl Yerdən Havaya Raket Sistemləri və ya NASAMS üçün əlavə sursatlar verəcək.
Yeni yardım paketi ilə ABŞ, həmçinin, pilotsuz uçuş aparatlarına qarşı mübarizə aparmaq üçün Ukarynaya 150 ağır pulemyot, 200 dəqiq idarə olunan 155 mm-lik artilleriya mərmisi, 10 000 120 mm-lik minaatan, 150 Yüksək Hərəkətli Çoxməqsədli Təkərli Nəqliyyat vasitələri, 100-dən çox yüngül taktiki maşın, 20 000 000-dan çox atıcı silah sursatı, 200-dən çox generator və 105 mm-lik haubitsalar və digər avadanlıqlar üçün ehtiyat hissələri verəcək.
Qeyd edək ki, təhlükəsizlik yardımı 400 milyon dollara qədər qiymətləndirilir. Avadanlıq Pentaqonun inventarlarından təmin ediləcək. Ümumilikdə ABŞ Co Bayden dövründən başlayaraq Ukraynaya 19, 7 milyard dollardan çox, 2014-cü ildən bu yana isə, 21, 8 milyard dollardan çox təhlükəsizlik yardımı ayırıb.
Busaat.az
