Yüksək çinli rus generalının öldüyü iddia edilir

Rusiya-Ukrayna müharibəsi ilə bağlı paylaşımları ilə tanınan “Voenkor” Telegram kanalı Ukraynanın Zaporojye xəttində həyata keçirdiyi raket hücumunda yüksək rütbəli rus generalın həlak olduğunu iddia edib.

Busaat.az xəbər verir ki, iddiada qeyd edilir:

“Düşmənin raket hücumu nəticəsində Birləşmiş Silahlı Qüvvələrin 35-ci Ordusunun Baş Qərargah rəisi general-mayor Sergey Qoryaçov həlak olub”.

“Birləşmiş Qüvvələr Qrupu (S) Komandanlığının nümayəndələrinin sözlərinə görə, hərbçilər bu gün ən parlaq və nüfuzlu hərbi liderlərindən birini itirib”, – deyə məlumatda bildirilir.

Medallı komandir olduğu bildirilən Qoryaçovun daha əvvəl Moldovanın separatçı bölgəsi Dnestryanıda rus qoşunlarına komandanlıq etdiyi məlumdur.

Bəzi rusiyalı müharibə blogerləri Qoryaçevin Britaniya tərəfindən təchiz edilmiş “Storm Shadow” qanadlı raketi ilə öldürüldüyünü irəli sürürlər.

Rusiya Müdafiə Nazirliyi hələlik Qoryaçovun ölümü ilə bağlı açıqlama verməyib.

Təxminən 80 faizi Rusiya qüvvələrinin nəzarətində olan Zaporojye vilayətinin Ukraynanın əks-hücumunun əsas hədəflərindən biri olduğu güman edilir.

Busaat.az