Yüksəldiyi sürətlə iflas edən Elon Mask: Tesla 642 milyard dollar itirdi

ABŞ-ın əsas elektrikli maşın istehsalçısı şirkətlərindən biri sayılan Tesla 11 ayda toplam 642 milyard dollar dəyər itirib.

Busaat.az xəbər verir ki, bu müddət ərzində şirkətin sahibi Elon Maskın öz sərvətindən itkiləri isə, 140 milyard dolları keçib.

Qeyd edək ki, Tesla iki gün öncə 7.6 faizlik dəyər itirib və nəticədə şirkətin maddi itkiləri son 11 ayda ümumilikdə 642 milyard dollara çatıb.

ABŞ-ın Federal Ehtiyat Fondunun (FED) uçot dərəcəsini artırması, Teslanın ixrac gözləntilərinin tam qarşılanmaması kimi faktorlar şirkətin dəyər itirməsinə səbəb olub.

Eyni zamanda, Teslanın Çindəki istehsal mərkəzinin Covid-19 pandemiyası səbəbindən istehsal prosesində problemlər yaşaması, xam maddələrin qiymət artımı və s. kimi faktorlar da şirkətin artan maddi sıxıntılarına təsir göstərib.

Bloomberg isə, Teslanın dəyər itirməsinin səbəblərindən danışarkən, Elon Maskın Twitter sosial şəbəkəsini almaq barədə olan söz-söhbətli prosesə də toxunub və bunun Teslada dəyər itirməsinə səbəb olan əsas amillərdən biri olduğuna vurğu edib.

Busaat.az