Yunanıstan Sahil Mühafizəsi Türk balıqçı gəmilərinə təcavüzə cəhd edib

Türk balıqçı qayıqlarına təcavüz etməyə çalışan Yunanıstan Sahil Təhlükəsizlik qrupları bölgəyə gələn Türk Sahil Mühafizəsinin qayıqları tərəfindən ərazidən çıxarılıb.

Busaat.az xəbər verir ki, bu barədə Türkiyə Daxili İşlər Nazirliyinin Sahil Mühafizəsi Komandanlığından açıqlama verilib.

Açıqlamada, dünən Aydının Didim mahalının Tekağaç burnunda balıq tutan Türkiyə bayraqlı balıqçı gəmilərinin saat 12.02-də bölgəyə gələn Yunanıstan Sahil Mühafizəsi tərəfindən təcavüzə məruz qaldığı bildirilib.

Bölgədəki Yunanıstan sahil mühafizə dəstəsinin dərhal hadisə yerinə sövq edilən sahil mühafizə gəmisi tərəfindən uzaqlaşdırıldığı, türk balıqçı qayıqlarının ov fəaliyyətlərini davam etdirmələrinin təmin edildiyi bildirilib.

Qeyd edilib ki, Yunanıstan Sahil Mühafizəsi qrupları bölgədən çıxarılarkən havaya atəş açıb və cavabında Türkiyə Sahil Mühafizəsi də havaya atəş açıb.

Busaat.az