Yunanıstan Türkiyə ilə bağlı BMT-yə şikayət edib

Türkiyə ilə Liviya arasında 3 oktyabrda imzalanan karbohidrogenlər sahəsində anlaşma memorandumu ilə son aylarda münasibətlərin kafi olduğu Ankara-Afina xəttində gərginlik artıb.

Busaat.az Yunan mediasına istinadən xəbər verir ki, Yunanıstanın BMT-dəki daimi nümayəndəsi Mariya Teofili şəxsən BMT-nin Baş katibi Antonio Quterreşə məktub ünvanlayıb.

Noyabrın 17-də verilən məktubda Yunanıstanın Liviya ilə Türkiyə arasında imzalanan razılaşmadan narahat olduğu və bu addımın bölgədə təhlükəsizlik və sülhü təhdid etdiyi bildirilib.

Məktubda Yunanıstanın bu razılaşmaya etirazı ilə yanaşı, Liviyadakı rəhbərliyin də belə bir müqavilə bağlamaq hüququ olmadığı iddia edilib. Theofili digər ölkələrin də bu razılaşmaya reaksiya verdiyini və Liviyada bəzi qurumların yüksək səviyyəli rəsmilərinin də buna qarşı çıxdığını bildirib.

Busaat.az