Ukrayna prezidenti Volodimir Zelenski Çin prezidenti Si Tsipini Ukraynaya səfərə dəvət edib.
Busaat.az xəbər verir ki, Zelenski bu barədə Nyu-Yorkda yerləşən Associated Press (AP) xəbər agentliyinə danışıb.
Si Tsipini Ukraynaya dəvət edən Zelenski Rusiya-Ukrayna müharibəsi başlamazdan əvvəl onunla danışıqlar apardıqlarını deyib.
Çin Xarici İşlər Nazirliyinin Ukraynadakı müharibənin siyasi həlli ilə bağlı dərc etdiyi 12 bəndlik sənədə toxunan Zelenski deyib: “Sini burada görməyə hazırıq. Mən onunla danışmaq istəyirəm. Müharibə oldu, amma onunla bir ildən çox əlaqə saxlamadıq”.
Ukrayna Prezident Aparatının müşaviri Mixail Podolyak da Ukrayna və Çin prezidentlərinin görüşü üçün iş aparıldığını bildirib.
Busaat.az
