Ukrayna prezidenti Volodimir Zelenski Türkiyə prezidenti Rəcəb Tayyib Ərdoğanla telefon danışığından sonra paylaşdığı videomüraciətdə prezident Ərdoğana təşəkkür edib.
Busaat.az xəbər verir ki, bu barədə məlumatı Türkiyə Cumhurbaşkanlığının Mətbuat Xidməti yayıb.
Məlumata görə, görüşdə Rusiya-Ukrayna müharibəsi ilə bağlı mövcud vəziyyət qiymətləndirilib.
Görüş zamanı Ərdoğan Rusiya ilə Ukrayna arasında uzun müddətdir çalışdıqları əsir mübadiləsinin uğurla başa çatmasından böyük məmnuniyyət duyduğunu bildirib.
“Mən bu gün prezident Ərdoğana xalqımızın rus əsarətindən azad edilməsində etdiyi köməyə görə bir daha təşəkkür etdim. “Azovstal”dan olan komandirlər yaxın vaxtlarda doğmaları ilə görüşə biləcəklər. Biz məsələnin üzərində işləyirik” – deyə, Zelenski videomüraciətində bildirib.
Zelenski həmçinin prezident Ərdoğanla müdafiə sahəsində əməkdaşlığı artırmağı müzakirə etdiklərini də qeyd edib.
Busaat.az
