Ukrayna prezidenti Volodimir Zelenski Ukraynanın NATO üzvlüyünə qəbul edilməsində və blokun birbaşa münaqişəyə cəlb olunmasında israr edəcək.
Busaat.az xəbər verir ki, bunu Belarus prezidenti Aleksandr Lukaşenko xarici və Belarus KİV nümayəndələri ilə görüşündə deyib.
“Zelenski Ukraynanın NATO-ya qəbul edilməsində israr edəcək ki, NATO daha sonra Rusiyaya qarşı müharibəyə qoşulsun”, – Lukaşenko bildirib.
Bbelarus liderinin sözlərinə görə, Zelenski nəhayət ki, müharibədə qalib gəlməyəcəyini anlayıb və ona görə də tədricən ölkəsini müharibəyə sövq edənlərə qarşı tələblər irəli sürməyə başlayıb. O, qeyd edib ki, Zelenskinin tələbləri hər şeydən əvvəl pul və yeni silahlarla bağlı olacaq.
Busaat.az
