Zelenski: Ordumuzu getdikcə daha təsirli silahlarla təmin etməyə çalışırıq

Ukrayna ordusunu getdikcə daha təsirli silahlarla təmin etməyə çalışırıq.

Busaat.az xəbər verir ki, bu fikirləri Ukrayna prezidenti Volodimir Zelenski yaydığı videomüraciətində bildirib.

Zelenski, həmçinin ABŞ-nin sədrliyi ilə Brüsseldə keçirilən Ukrayna Müdafiə Təmas Qrupu Toplantısını da dəyərləndirib.

Toplantıda Ukrayna üçün bir sıra mühüm qərarların qəbul edildiyini vurğulayan Zelenski deyib:

“Bu, 9-cu belə toplantıdır. Dövlətimizi qorumaq, ordumuzu gücləndirmək üçün daha bir mühüm qərar qəbul edilib. Əsasən hava hücumundan müdafiə sistemi tərəfdaşlar tərəfindən təsdiqlənib. Bununla yanaşı ordumuza tank, top və mərmi də veriləcək”.

 “Əsgərlərimizə daha çox silah, daha uzun mənzilli silahlar və hücum üçün daha çox güc təmin etmək üçün əlimizdən gələni edirik”, – Zelenski qeyd edib.

Busaat.az