Parisə səfər edən Ukrayna lideri Zelenski Fransa prezidenti Makronla görüşüb.
Busaat.az xəbər verir ki, Makron və Zelenskinin Parisdə təxminən 3 saat davam edən görüşü ilə bağlı Yelisey Sarayından verilən ortaq yazılı açıqlamada iki liderin Ukrayna-Rusiya müharibəsini pislədikləri bildirilib. Rusiyanın Ukrayna ərazisindən hərbi qüvvələrini dərhal və qeyd-şərtsiz çəkməli olduğu vurğulanaraq, Fransa və Ukraynanın da Rusiyanı Zaporojye atom elektrik stansiyasından çəkilməyə çağırdığı bildirilib.
Bəyanatda Fransanın Ukraynanın müstəqilliyi, suverenliyi və ərazi bütövlüyünə sadiq olduğu vurğulanıb.
Paris rəhbərliyinin lazım olduğu müddətcə Ukraynaya siyasi, maliyyə, humanitar və hərbi dəstəyini davam etdirəcəyinə diqqət çəkən açıqlamada, Fransanın önümüzdəki həftələrdə çoxlu batalyona təlim keçəcəyi, onları onlarla zirehli maşın və yüngül tankla təchiz edəcəyi vurğulanıb.
Bəyanatda həmçinin qeyd olunub ki, Paris administrasiyası səylərini Ukraynanın hava hücumundan müdafiə imkanlarını dəstəkləməyə yönəldir.
Bəyanatda Ukraynanın və onun xalqının gələcəyinin Avropa ailəsinə aid olduğu, Fransanın NATO-Ukrayna Komissiyasına dəstək verdiyi bildirilib.
Busaat.az
