Zelenski: "Rusiyaya qarşı ifadələrim səhv tərcümə edilib"

Zelenski nüvə silahından istifadə təhdidləri barədə danışmağın belə təhlükəli olduğunu bildirib.

Busaat.az xəbər verir ki, Ukrayna prezidenti Volodimir Zelenski Rusiyaya qarşı qabaqlayıcı zərbələr endirməyə çağırarkən, nüvə müharibəsinin qarşısını almağı nəzərdə tutduğunu bildirib.

O, bunun üçün Qərbin yeni sanksiyalar tətbiq etməsini nəzərdə tutduğunu vurğulayıb:

“Dünya belə hallarda sanksiya paketini həyata keçirə və rusların Zaporojye AES-dən çıxması üçün hər şeyi edə bilər. Əvvəlki ifadələrim səhv tərcümə edilib. Bu barədə danışmaq belə təhlükəlidir” – deyə, Zelenski Nüvə silahından istifadə təhdidləri haqqında suala cavab verib.

Qeyd edək ki, Rusiyanın Xarici İşlər naziri Sergey Lavrov Zelenskinin Rusiyaya qarşı qabaqlayıcı zərbə endirilməsi ilə bağlı bəyanatı şərh edib. Lavrov bunu Kiyevdən gələn təhdid olaraq qiymətləndirib və xüsusi hərbi əməliyyatın zəruriliyini təsdiqlədiyini bildirib.

Busaat.az