Kiyev və Paris ukraynalı pilotların Fransada təliminin təşkili ilə bağlı razılığa gəliblər.
Busaat.az xəbər verir ki, bu barədə Ukrayna prezidenti Volodimir Zelenski bildirib.
Ötən gün Zelenski ilə Fransa prezidenti Emmanuel Makron arasında telefon danışığı olub.
“Pilotlarımızın Fransada təlimi ilə bağlı mühüm razılaşma var – bizim qabaqcıl döyüş təyyarələri koalisiyamız güclənir”, – o, Telegram kanalında yerləşdirdiyi videomüraciətində bildirib.
Ukraynaya Qərb ölkələrindən F-16 qırıcılarını idarə etmək üçün ukraynalı pilotların hazırlanmasına başlaması və Ukrayna ordusuna bu cür təyyarələrin verilməsi tələb olunub. Danimarka və Hollandiya artıq ukraynalı pilotların hazırlanması planlarını və daha doqquz ölkənin iştirak edəcəyini açıqlayıb.
