ABŞ hökuməti Səudiyyə Ərəbistanına 3,5 milyard dollarlıq raket satışına ilkin icazə verib.
“Busaat.az” xəbər verir ki, bu satış çərçivəsində Səudiyyə Ərəbistanına 1000 ədəd AIM-120C-8 tipli qabaqcıl orta mənzilli hava-hava raketləri, istiqamətləndirmə bölmələri və texniki dəstək təqdim ediləcək.
Raketlərin ABŞ-ın Arizona ştatında yerləşən RTX şirkəti tərəfindən istehsalı planlaşdırılır. Satışın həyata keçməsi üçün ABŞ Konqresinin təsdiqi gözlənilir.
Müdafiə Təhlükəsizliyi və Əməkdaşlıq Agentliyindən verilən açıqlamada, bu addımın Körfəz regionunun sabitliyinə töhfə verəcəyi və ABŞ-ın milli təhlükəsizlik hədəflərinə uyğun olduğu bildirilib.
Nərmin Səmidova
