ABŞ və Böyük Britaniya Yəmənin qərbindəki hədəflərə zərbələr endirib.
Busaat.az xəbər verir ki, bu barədə Husilərə bağlı “Əl-Masirah” xəbər agentliyi məlumat yayıb.
Məlumata görə, Amerika və Britaniya təyyarələri Hudeydə şəhərinin əl-Tuheyta bölgəsindəki əl-Faza sahillərini hədəf alıb.
Bildirilib ki, Husilər Qırmızı dəniz və Ədən körfəzində gəmilərə hücum edərək , İsrailin hədəflərinə raket və pilotsuz təyyarələr vuraraq, müharibədən əziyyət çəkən Qəzzada fələstinlilərə dəstək nümayiş etdirərək, Qərb dövlətlərinin qəzəbinə səbəb olub.
Qeyd olunub ki, ABŞ və müttəfiqləri yanvar ayından Yəməndəki husi hədəflərini bombalayır, lakin hərbi kampaniya Husilərin hücumlarının qarşısını ala bilmir.
Belə ki, qrup Qəzzada 37 mindən çox insanın ölümünə səbəb olan müharibə davam etdiyi müddətcə İsraillə əlaqəli gəmiləri hədəf almağa davam edəcəyinə söz verib.
