Akkumulyatordan çıxan yanğın nəticəsində 5 avtomobil yanıb
Avstraliyanın Sidney hava limanının dayanacağında elektriklə işləyən avtomobilin akkumulyatorunun alışması nəticəsində 5 avtomobil yanıb.
Busaat.az xəbər verir ki, bu barədə ABC News məlumat yayıb.
Mənbə bildirib ki, Sidney hava limanının dayanacağında çıxan yanğına Yeni Cənubi Uels əyalətinin yanğın və xilasetmə qrupları müdaxilə edib.
Yanğınsöndürənlər yanğının litium-ion batareyanın alışması nəticəsində baş verdiyini müəyyən ediblər.
Akkumulyatordan çıxan qığılcımlar daha sonra yaxınlıqda park edilmiş 4 avtomobilə keçib. Nəticədə 5 nəqliyyat vastəsi yanaraq külə dönüb.
Yanğına səbəb olan akkumulyatorun avtomobildən hansı səbəbdən çıxarıldığı hələlik məlum deyil.
