Avropanın bu ölkəsində bomba təhlükəsi barədə çağırışlar edilir

Bu gün Monteneqrodakı məktəblər, məhkəmələr və nazirliklər bomba barədə məlumatlandırılıb. Qərbi Balkanların ən kiçik ölkəsi olan Monteneqroda məktəblər, məhkəmələr və nazirliklər bomba təhlükəsi səbəbindən bu gün boşaldılıb.

Busaat.az xarici mediaya istinadən xəbər verir ki, Monteneqro polisindən verilən açıqlamada, dünənki bomba təhdidlərindən sonra bu gün səhər tezdən ölkə daxilində bir çox məktəb, məhkəmə və nazirlik binalarına partlayıcıların yerləşdirildiyi barədə elektron məktub göndərildiyi bildirilib.

Ədliyyə Nazirliyi binasının boşaldıldığı diqqətə çatdırılaraq, bomba təhlükəsi bildirilən bütün binalarda təhlükəsizlik qüvvələrinin lazımi tədbirləri gördüyü bildirilib.

Təhsil Nazirliyi bu gün təhsilin distant formada aparılmasına qərar verildiyini açıqlayıb. Yerli media bomba təhdidləri ehtiva edən elektron məktubların ayrı-ayrılıqda göndərildiyi barədə məlumat paylaşıb.

Dünən Monteneqroda parlament və məktəblərdə bomba təhlükəsi xəbəri yayılıb və polisin açıqlamasında ölkə üzrə 165 binanın yoxlanıldığı və xəbərlərin əsassız olduğu bildirilib.

Busaat.az