“ABŞ Prezidenti Co Bayden tətilini yarımçıq qoyub Ağ Evin Milli Təhlükəsizlik Şurası ilə birlikdə Yaxın Şərqdə baş verənləri yaxından izləyir”.
Busaat.az xəbər verir ki, bu barədə Ağ Ev yazılı açıqlama yayıb.
Məlumata görə, Bayden Delaverdəki həftə sonu tətilini qısaldacaq və ABŞ yerli vaxtıyla bu gün günortadan sonra paytaxta qayıdacaq:
“Prezident Yaxın Şərqdəki hadisələrlə bağlı milli təhlükəsizlik komandası ilə məsləhətləşmələr aparmaq üçün bu gün günortadan sonra Ağ Evə qayıdır”.
Qeyd edək ki, Bayden daha əvvəl verdiyi açıqlamada İranın mümkün hücumuna qarşı İsraili hər mənada dəstəkləyəcəklərini bildirmişdi.
