Suriya prezidenti Bəşər Əsəd çərşənbə axşamı Moskvaya rəsmi səfərə gəlib.
“Prezident Bəşər Əsəd Rusiya Federasiyasına rəsmi səfər məqsədilə bu gün axşam saatlarında Moskvaya gəlib”, – Suriya Prezident ofisi qeyd edib.
Prezident ofisi bildirib ki, Əsədi böyük bir nazir heyəti müşayiət edir.
Kremldən bildirilib ki, Rusiya prezidenti Vladimir Putin və Əsəd martın 15-də danışıqlar aparacaq. Onlar müxtəlif sahələrdə ikitərəfli əməkdaşlıq və Yaxın Şərq ölkəsində vəziyyətin nizamlanması perspektivlərini müzakirə edəcəklər.
Putin və Əsəd sonuncu dəfə 2021-ci ilin sentyabrında Suriya prezidenti Moskvaya gələndə görüşüb.
