BMW 2030-cu ilə qədər hidrogenlə işləyən avtomobillərin istehsalına başlamağı planlaşdırır

Almaniyanın BMW Qrupu bu onilliyin sonuna kimi hidrogen avtomobillərinin istehsalına başlamağı planlaşdırır.

Busaat.az xəbər verir ki, bu barədə thetimes.co.uk-a şirkətin texnologiya departamentinin rəhbəri Juergen Guldner bildirib.

“Biz cari onilliyin ikinci yarısında belə avtomobillərin istehsalına başlayacağıq. Əminəm ki, gələcək hidrogenə məxsusdur”, – Guldner bildirib.

Qəzetin yazdığına görə, BMW Avropada hidrogenlə işləyən avtomobillərin istehsalına başlayan ilk iri şirkət ola bilər. Bu günə qədər bazarda hidrogenlə işləyən avtomobillərin iki modeli mövcuddur. Bunlar Yaponiyanın Toyota Mirai dördyerlik sedanı və Koreyanın Hyundai Nexo krossoveridir.