Suriyadakı vətəndaş münaqişəsinin siyasi həlli tapılana qədər Qərb ölkələri Dəməşq ilə münasibətləri normallaşdırmayacaq.
Busaat.az xəbər verir ki, bu barədə Böyük Britaniya, ABŞ, Fransa və Almaniya hökumətlərinin birgə bəyanatında deyilir.
“Biz Suriya prezidenti Bəşər Əsəd rejimi ilə münasibətləri normallaşdırmırıq, eyni zamanda münaqişə zamanı rejimin vurduğu ziyanın bərpasını və ya sanksiyaları qaldırmırıq. Suriya xalqının xeyrinə qərarlar olana qədər normallaşma mümkün deyil. Siyasi həll yolunda orijinal və davamlı irəliləyiş lazımdır”, – Suriya münaqişəsinin 12-ci ildönümü ilə bağlı dərc edilmiş sənəddə deyilir.
Dörd ölkə zəlzələdən zərər çəkmiş bölgələrə humanitar yardımın çatdırılmasını asanlaşdıran sanksiya siyasətlərinin fövqəladə istisnalar olduğunu söyləyib.
Lakin bu addıma baxmayaraq, onların Suriya hökumətinə ümumi yanaşması dəyişməz qalıb.
Qeyd edək ki, Suriyada hökumət əleyhinə etirazlar 2011-ci il martın 15-də başlayıb. Daha sonra Suriyanın bütün böyük şəhərlərini əhatə edib. Nümayişçilər demokratik islahatlar və prezident Bəşər Əsədin istefasını tələb ediblər. Həmin hadisələr iqtidarla müxalifət arasında şiddətli qarşıdurmaya gətirib çıxardı ki, bu qarşıdurma sonradan beynəlxalq qoşunların iştirakı ilə vətəndaş müharibəsinə çevrildi.
Busaat.az
