Bir müddət əvvəl Şimali Kiprə konsertə gedən Türkiyənin məşhur müğənnisi Bülent Ersoyun PCR testi saxta çıxan 21 nəfərlik orkestri cəzalandırılıb.
Busaat.az Türkiyə mətbuatına istinadən xəbər verir ki, Gazimağusa məhkəməsinin qərarı ilə saxta PCR testi ilə ölkəyə daxil olan orkestr üzvləri 1 ay, orkestrin rəhbəri isə 45 gün müddətinə həbs olunub.
Bundan başqa, saxta PCR testi hazırlayan və buna vasitəçi olan hotel rəhbərliyi ilə bağlı önümüzdəki həftələrdə qərar veriləcəyi gözlənilir.
Xatırladaq ki, B. Ersoy mövzu barədə KİV-ə açıqlamasında öz sənədlərinin qaydasında olduğunu bildirmişdi:
“Nə saxtakarlığı, nə də saxtakar insanları sevirəm. 3-5 TL pul üçün yalan danışıb dələduzluq edəcəm? Mənim buna ehtiyacım var? İşçilərim isə sabah məhkəməyə çıxarılacaq”.
