Cənubi Koreyanın “STX” korporasiyası Peruya 60 milyon dollara 30 ədəd “K808” zirehli transportyoru tədarük edəcək.
Busaat.az “The Guardian”a istinadən xəbər verir ki, bu barədə şirkət öz saytında məlumat yayıb.
Məlumata görə, ağır hərbi texnika “Hyundai Rotem” tərəfindən istehsal olunur. Sövdələşmə “STX”in il ərzində satışlarının təxminən 9%-ni təşkil edir. Müqavilədə Peru tərəfi “FAME” silah fabriki ilə təmsil olunur.
Şirkət qeyd edib ki, sövdələşmə Peru zavodu ilə 5 illik əməkdaşlığın nəticəsidir. Tərəflər uzunmüddətli texniki əməkdaşlığa, o cümlədən avadanlıqların ixracına sadiqdirlər. Müqavilə Cənubi Koreya zirehli texnikasının Latın Amerikası ölkələrinə tədarükünün ilk nümunəsi olacaq.
Zeyd Bağırzadə
