Cənubi Koreyada siyasi gərginlik pik həddə çatıb.
“Busaat.az” xəbər verir ki, baş nazir Han Duk-soonun istefasından sonra müvəqqəti prezident təyin edilən maliyyə naziri və baş nazirin müavini Çoi Sanq-mok da impiçment səsverməsinə dəqiqələr qalmış vəzifəsini tərk edib.
Çoi Konstitusiya Məhkəməsinə hakim təyin etmədiyinə görə tənqid olunurdu. “Ciddi iqtisadi vəziyyətdə vəzifəmi icra edə bilmədiyim üçün üzr istəyirəm”, – deyə o, istefası ilə bağlı açıqlama verib. Riskin qarşısını almaq məqsədilə Çoi könüllü şəkildə vəzifəsini tərk edib.
Onun yerinə maliyyə nazirinin müavini Kim Beom Seok təyin olunub. Hazırda təhsil naziri Li Ju-ho ölkənin müvəqqəti prezidenti elan edilib.
3 iyunda keçiriləcək prezident seçkilərinədək ölkədə sabitliyi qorumaq üçün Li Ju-ho Milli Assambleya və digər nazirliklərlə sıx əməkdaşlıq edəcəyini bildirib.
Nərmin Səmidova
Busaat.az
