Braziliya prezidenti Luiz İnasio Lula da Silva paytaxt Braziliyada Çinin xarici işlər naziri Vanq Yi ilə görüşüb.
“Busaat.az” bu barədə Braziliya mətbuatına istinadən xəbər verir.
Məlumata görə, görüşdə ikitərəfli ticarət və investisiya əməkdaşlığı müzakirə edilib. Lula da Silva iki ölkə arasında tərəfdaşlığın müxtəlif sektorlarda inkişaf etdiyini bildirib.
Son illər iki ölkə arasında münasibətlərin yüksələn xətlə inkişaf etdiyini qeyd edən Lula da Silva Çinlə qurulan strateji tərəfdaşlığın Braziliyaya yeni qlobal əməkdaşlıq imkanları təklif etdiyini deyib.
Lula da Silva Braziliyanın azad ticarəti və beynəlxalq qaydaları qorumaq üçün Çinlə işləməyə hazır olduğunu qeyd edib.
Şövkət Əliyeva
Busaat.az
