Çində baş verən daşqınlar 33 nəfərin həyatına son qoyub – Video + Fotolar

image-cinleysanbackend

Çinin Henan əyalətində iyulun 17-dən başlayan güclü yağışlar nəticəsində daşqınlar baş verib.

Busaat.az Çinin Fövqəladə Hallar Xidmətinin əyalət üzrə departamentinə istinadən xəbər verir ki, sel nəticəsində 33 nəfər həlak olub, 8 nəfər itkin düşüb.

Henan əyalətində təbii fəlakət zonasında 103 bölgədə 3 milyondan çox sakin yaşayır. Təhlükəli bölgələrdən 375 min nəfər təcili olaraq təxliyyə olunub. Həmçinin əyalət rəhbərliyi 256 mindən çox sakini daha təhlükəsiz ərazilərə köçürüb.

Qeyd edək ki, təbii fəlakət ən çox Zhenqzhou şəhərinə təsir edib. Şəhərin bəzi meteostansiyaları sutkalıq yağıntı həcminə görə tarixi rekord qeydə alıblar. Normadan artıq yağıntılar su anbarlarında suyun həcminin artmasına gətirib çıxarıb. Bununla yanaşı, şəhərdə metronu sel basıb və vaqonlarda olan sərnişinlər sudan qorunmaq üçün oturacaqların üzərinə çıxmalı olublar. Tunellərdə qalmış sərnişinləri xilasedicilər təxliyyə edə bilib.

Oxşar hadisələr əyalətin digər bölgələrində də müşahidə edilib. Belə ki, Loyan şəhərinə doğru hərəkət edən qatar 40 saat iflic vəziyyətdə qalıb. Qatarın 900 sərnişini bütün bu müddət ərzində kömək gözləməli olub.

Bir çox amillər daşqınların baş verməsinə səbəb olsa da, iqlim dəyişikliyi səbəbindən atmosferin istiləşməsi normadan artıq yağışların yağmasına səbəb olur. Çində baş verən daşqınlara məhz bu amilin səbəb olduğu istisna edilmir.

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90