Azərbaycan Respublikasının Prezidenti İlham Əliyevin təhsil sahəsində həyata keçirdiyi islahatlar və bu islahatların genişmiqyaslı nəticələri ölkənin gələcək perspektivlərini müəyyən edən strateji addımlardan biridir. Azərbaycan təhsilinin müasir dövrdə inkişafı bir çox aspektdən ölkə rəhbərliyinin diqqət mərkəzində olmuşdur. Xüsusilə, Prezident İlham Əliyevin təhsil sahəsindəki siyasəti və onun ölkənin intellektual potensialının inkişafına verdiyi töhfələr Azərbaycanı bölgədə qabaqcıl təhsil mərkəzinə çevirməkdədir.
Prezident İlham Əliyev hakimiyyətə gəldiyi gündən təhsil sahəsinin önəmli bir prioritet olaraq dəyərləndiriləcəyini vurğulamışdır. O, Azərbaycanın gənc nəslinin müasir dünyaya uyğun rəqabətqabiliyyətli biliklərə və bacarıqlara malik olmasını təmin etmək məqsədilə bir sıra irimiqyaslı layihələrə start vermişdir. Təhsil siyasəti, təhsilin keyfiyyətinin artırılması, maddi-texniki bazanın gücləndirilməsi və müəllimlərin peşəkar səviyyələrinin artırılması istiqamətində yeni imkanlar açmışdır.
Azərbaycanın neft və qaz sektorunda əldə etdiyi gəlirlərdən məqsədyönlü şəkildə istifadə edərək, Prezident İlham Əliyev təhsilə ayrılan büdcəni əhəmiyyətli dərəcədə artırmışdır. Bu, təhsil müəssisələrinin infrastrukturunun modernləşdirilməsi, innovativ tədris metodlarının tətbiqi, informasiya texnologiyalarının məktəb və universitetlərdə geniş istifadə olunması və kadr hazırlığının yeni səviyyəyə çıxarılması ilə nəticələnmişdir.
Təhsilin inkişafı sahəsində aparılan islahatlar ilk növbədə təhsil müəssisələrinin maddi-texniki bazasının möhkəmləndirilməsinə yönəlmişdir. İlham Əliyevin rəhbərliyi altında yüzlərlə yeni məktəb və universitet binaları tikilmiş, mövcud təhsil ocaqları isə müasir avadanlıqlarla təchiz edilmişdir. Bu infrastruktur layihələri regionlarda yaşayan uşaqlar üçün də keyfiyyətli təhsilə bərabər imkanlar yaratmışdır. Xüsusilə, bölgələrdə təhsilin səviyyəsinin yüksəldilməsi Azərbaycan rəhbərliyinin sosial ədalət prinsipinə əsaslanan siyasətinin göstəricisidir.
Məktəblərin və universitetlərin yeni texnologiyalarla təchizatı, elektron təhsil platformalarının tətbiqi, dərs proqramlarının müasir tələblərə uyğunlaşdırılması təhsil prosesini innovativ və daha effektli etmişdir. Bu yanaşma təhsil alanların təhsilə marağını artırmış, onların elmi-tədqiqat və yaradıcı potensiallarını daha səmərəli şəkildə ortaya qoymağa şərait yaratmışdır.
Təhsil prosesinin keyfiyyətinin artmasında müəllimlərin rolu əvəzedilməzdir. İlham Əliyevin rəhbərliyi altında müəllimlərin peşəkarlığının artırılması məsələsi də dövlət siyasətinin əsas istiqamətlərindən biridir. Müəllimlərin maddi rifahının yaxşılaşdırılması, onların sosial statusunun yüksəldilməsi, kadr hazırlığı sistemində beynəlxalq təcrübənin tətbiqi bu sahədə əsas uğurlar hesab olunur.
Hər il müəllimlərin sertifikasiyadan keçməsi, onların peşə biliklərinin və tədris bacarıqlarının artırılması üçün xüsusi proqramlar həyata keçirilir. Xaricdə təhsil alan azərbaycanlı gənclərin geri dönərək müəllim kimi fəaliyyət göstərməsi ölkədə pedaqoji kadrların təkmilləşdirilməsinə böyük töhfə verir.
Azərbaycan təhsilinin inkişafı ilə bağlı Prezident İlham Əliyevin həyata keçirdiyi siyasətin vacib komponentlərindən biri də beynəlxalq təhsil əlaqələrinin gücləndirilməsi və beynəlxalq layihələrə inteqrasiya olunmasıdır. Bu istiqamətdə bir çox ölkələrlə təhsil sahəsində əməkdaşlıq memorandumu imzalanmış, azərbaycanlı tələbələr dünyanın aparıcı universitetlərində təhsil almaq imkanı əldə etmişdir.
Xaricdə təhsil proqramları çərçivəsində minlərlə azərbaycanlı gənc dünyanın nüfuzlu universitetlərində müxtəlif ixtisaslar üzrə təhsil alır. Bu gənclərin vətənə qayıtdıqdan sonra ölkənin müxtəlif sahələrində peşəkar fəaliyyətə başlaması Azərbaycanın gələcəkdə inkişafı üçün intellektual baza yaradır. Bu proqramlar həmçinin Azərbaycan universitetlərinin beynəlxalq nüfuzunu artırmış, onların beynəlxalq reytinqlərdə yüksəlməsinə səbəb olmuşdur.
Prezident İlham Əliyevin təhsil sahəsində həyata keçirdiyi islahatlar sosial bərabərliyin təmin olunmasına xüsusi diqqət yetirir. Uzaq kəndlərdə və regionlarda yaşayan uşaqların keyfiyyətli təhsil almaq imkanı genişləndirilmişdir. Azərbaycan təhsili həm şəhərdə, həm də kənd yerlərində yaşayan gənclərin eyni imkanlara malik olmasını təmin etmək məqsədilə bir sıra sosial layihələr həyata keçirir. Məktəblərin kompüterləşdirilməsi, internetə çıxış imkanlarının yaradılması regionlarda təhsilin səviyyəsinin yüksəlməsinə mühüm təsir göstərmişdir.
Azərbaycan təhsili üçün xüsusi əhəmiyyət kəsb edən amillərdən biri də aztəminatlı ailələrdən olan tələbələr üçün xüsusi təqaüd və qrant proqramlarının mövcudluğudur. İlham Əliyevin təşəbbüsü ilə həyata keçirilən bu proqramlar sayəsində aztəminatlı ailələrin övladları ali təhsilə daha rahat əlçatan olur və bu təqaüdlər onların sosial vəziyyətini yaxşılaşdırır.
Prezident İlham Əliyevin təhsil sahəsində apardığı islahatlar Azərbaycan təhsil sisteminin dünya səviyyəsində rəqabətqabiliyyətli bir sistemə çevrilməsinə xidmət edir. Müasir texnologiyaların tətbiqi, müəllimlərin peşəkarlığının artırılması, beynəlxalq təhsil əlaqələrinin genişlənməsi və sosial ədalət prinsipinə əsaslanan təhsil siyasəti Azərbaycan gəncliyinin intellektual və yaradıcı potensialının tam üzə çıxmasına şərait yaradır. Azərbaycanın gələcəyi üçün təhsil strategiyasının önəmi təkcə iqtisadi inkişaf baxımından deyil, həm də mədəni və sosial yüksəlişin əsasını qoyan bir faktor kimi diqqətə layiqdir. İlham Əliyevin təhsil sahəsində apardığı islahatlar Azərbaycanın inkişafının əsas təməli kimi qiymətləndirilməlidir.
Nigar Məmmədova
“Zəngi” liseyinin direktoru
