İtaliya NATO ilə işləməyə hazırdır.
Busaat.az xəbər verir ki, İtaliyanın yeni baş naziri Giorgia Meloni NATO ilə yaxından işləməyə hazır olduğunu bildirib.
“NATO ilə işləməyə hazırıq, bu, hərbi ittifaqdan daha üstün bir birlikdir: biz heç vaxt müdafiə etməyi dayandırmayacağımız ortaq dəyərlərin keşiyindəyik” – deyə, Meloni qeyd edib.
Meloni baş nazir kimi vəzifəyə başlayarkən çoxsaylı təbriklərə cavab verib. NATO ilə əməkdaşlıq çərçivəsində o, ABŞ dövlət katibi Antoni Blinkenə bildirib: “ABŞ və bütün NATO tərəfdaşlarımız cəsur Ukrayna xalqını əlimizdən gəldiyincə dəstəkləyəcəyimizə və strateji tərəfdaşlığımızı davam etdirəcəyimizə arxalana bilərlər”.
Rusiyanın İtaliyadakı səfiri Sergey Razov bildirib ki, o, yeni hökumətin qurulması ilə Romanın siyasi kursunu ciddi şəkildə dəyişəcəyini gözləmir. O, hələlik Kiyevə dəstək siyasətinin və Rusiyaya qarşı sanksiyalara əməl olunmasının davam edəcəyinə dair işarələrin olduğunu bildirib.
