Rusiya Təhlükəsizlik Şurasının sədr müavini Dmitri Medvedev bugünkü Sevastopol raket hücumuna görə ABŞ və Ukrayna hakimiyyətini günahlandırıb.
Busaat.az xəbər verir ki, bu barədə o, Telegram kanalında yazıb.
“ ABŞ-dən olan əclaflar Banderaitlərə raketlər verir və onları hədəfə çatdırmağa kömək edir. Kiyevdəki əclaflar dinc insanların olduğu çimərliyi hədəf seçib düyməni basırlar”, – deyə sədr müavini bildirib.
O, həmçinin qeyd edib ki, Sevastopolda baş verənlər hərbi əməliyyatlar çərçivəsindən çıxır və Rusiyada dinc əhaliyə qarşı pravoslav bayramında törədilən terror aktıdır.
Medvedev həmçinin Amerika və Ukrayna hakimiyyətini eyniləşdirərək, onları çılğın fanatiklər adlandırıb.
