Qəzza zolağındakı münaqişə Böyük Britaniyada terror hücumlarına səbəb ola bilər.
BUSAAT.az xəbər verir ki, bunu Britaniya kəşfiyyatının rəhbəri Ken Makkallum bildirib.
Onun sözlərinə görə, MI5 Yaxın Şərqdəki hadisələrə çox diqqət yetirir.
“Terrorçular təkcə Böyük Britaniyanın daxilində baş verənlərdən deyil, həm də Yaxın Şərqdə, qitədə və ya başqa yerlərdə baş verənlərdən ilham ala bilərlər”, – Makkallum qeyd edib.
O, MI5-in xüsusi diqqətini İrana yönəltdiyini deyib.
“Aydındır ki, biz İranın Böyük Britaniyadakı davranışından çoxdan narahatıq. Xüsusilə, son 18 ayda İrandan güclü təhdidlər olub. Aydındır ki, Yaxın Şərqdə baş verənlər İranın yeni istiqamətlərdə hərəkət etmək qərarına gəlməsi ehtimalını artırır”, – o əlavə edib.
Pəri Əlizadə
Busaat.az
