OPEC+ sazişində iştirak edən bir sıra ölkələr mayın 1-dən başlayaraq ilin sonuna qədər könüllü olaraq neft hasilatını azaldıb.
Busaat.az xəbər verir ki, ümumi neft hasilatının azalması hazırda sutkada 1,66 milyon barel səviyyəsində qiymətləndirilir.
Səudiyyə Ərəbistanı may ayından 2023-cü ilin sonuna qədər gündəlik neft hasilatını 500 min barel, BƏƏ 144 min barel, İraq – 211 min barel, Küveyt 128 min barel, Əlcəzair 48 min barel, Qazaxıstan 78 min barel və Qabon 8 min barel azaltmaq qərarına gəlib.
Qeyd edək ki, Rusiya da ilin əvvəlində neft hasilatının orta fevral səviyyəsindən gündəlik 500 min barel könüllü azaldılmasını 2023-cü ilin sonuna qədər uzadacağını açıqlamışdı.
Busaat.az