Parisdə pensiya islahatına qarşı keçirilən aksiyada polis gözyaşardıcı qaz və su şırnaqlarından istifadə edib

Martın 16-da hökumətin pensiya islahatlarına qarşı etiraz aksiyası zamanı polislə etirazçılar arasında toqquşmalar baş verib, polis gözyaşardıcı qaz və su şırnaqlarından istifadə edib.

Busaat.az xarici mediaya istinadən xəbər verir ki, etirazçılar özlərini aqressiv apararaq, polis maşınlarının qarşısında tonqal qalayıb, şüarlar səsləndirib və polisin ünvanına təhqirlər yağdırıblar.

Polis kordonuna doğru fişənglər və daşlar atıldıqdan sonra polis əməkdaşları gözyaşardıcı qazdan istifadə edib. İğtişaşlar hələ də davam edir və “Place de la Concorde”da vəziyyət nəzərəçarpacaq dərəcədə gərgin və qeyri-sabitdir.

Bundan əvvəl BFM telekanalı mitinqdə 6 mindən çox insanın iştirak etdiyini bildirmişdi. İlk etirazçılar Milli Assambleyanın (Fransa parlamentinin aşağı palatası) müvafiq qanun layihəsini müzakirə etmək üçün toplanmasından əvvəl meydana çıxıblar.