Polşanın baş naziri: "Biz ölkənin hər qarışını müdafiə edəcəyik"

Busaat.az xəbər verir ki, Polşanın baş naziri Mateuş Moravietski Kielce şəhərindəki çıxışı zamanı Rusiyanı hədəfə alıb.

O, Rusiyanın dağılmış imperiyasını yenidən qurmağı planlaşdırdığını iddia edib.

“Kreml təbliğatçıları Rusiyanın Polşaya qarşı düşmənçilik niyyətlərini gizlətmirlər. İlk növbədə ordunun müasir silahlanmasına diqqət yetirməliyik. Ölkənin hər qarışını müdafiə edəcəyik. Bunu dünya tarixinin ən güclü hərbi ittifaqı olan NATO ilə həyata keçirəcəyik. Biz Polşa ordusu və silah sənayesini genişləndirərək, həmçinin müttəfiqlərimizlə əməkdaşlıqda reallaşdıracağıq “, –  Moravietski söyləyib.

Belarusa işarə edərək və Polşanın tamamilə gözlənilməz bir ölkə ilə həmsərhəd olduğunu bildirən baş  nazir, “Coğrafi mövqeyimizin nəticələrinin nə olduğunu görürük, ona görə də Polşa ordusu üçün bütün silahlanma proqramını gücləndiririk”,- söyləyib.