Prezident İlham Əliyev “Əmək pensiyaları haqqında” Qanununda dəyişiklik edilməsi barədə Qanun imzalayıb.
Busaat.az xəbər verir ki, bu barədə Prezidentin Mətbuat xidməti məlumat yayıb.
Dəyişikliklə əmək pensiyasının minimum məbləği 2022-ci ilin yanvarın 1-dən 20 faiz artırılaraq 240 manata çatdırılır.
Bu Qanun 2022-ci il yanvarın 1-dən qüvvəyə minir.
***
Prezident İlham Əliyev “Dövlət rüsumu haqqında” qanunda dəyişiklər edilməsi barədə Qanunu təsdiq edib.
Busaat.az xəbər verir ki, dövlət başçısı bununla bağlı Fərman imzalayıb.
Bu Qanun 2022-ci il yanvarın 1-dən qüvvəyə minir.
***
Prezident İlham Əliyev, həmçinin “Azərbaycan Respublikasının Su Məcəlləsində, Azərbaycan Respublikasının Gömrük Məcəlləsində, Azərbaycan Respublikasının Şəhərsalma və Tikinti Məcəlləsində, “Yerin təki haqqında”, “Balıqçılıq haqqında”, “Heyvanlar aləmi haqqında”, “Ətraf mühitin mühafizəsi haqqında”, “Ovçuluq haqqında”, “Daşınmaz əmlakın dövlət reyestri haqqında”, “Baytarlıq haqqında”, “Dərman vasitələri haqqında”, “Bədən tərbiyəsi və idman haqqında”, “Mədəniyyət haqqında”, “Ölçmələrin vəhdətinin təmin edilməsi haqqında” və “Lisenziyalar və icazələr haqqında” Azərbaycan Respublikasının qanunlarında dəyişiklik edilməsi barədə” Azərbaycan Respublikasının 2021-ci il 3 dekabr tarixli 416-VIQD nömrəli Qanununun tətbiqi haqqında Fərman imzalayıb.
Bu Fərman 2022-ci il yanvarın 1-dən qüvvəyə minir.
