Putin dost ölkələrlə bağlı yeni qanun imzaladı

Rusiya prezidenti Vladimir Putin hökumətə dost ölkələrə ixrac gömrük rüsumlarının dərəcələrini müvəqqəti azaltmağa və ölkənin bəzi regionlarından malların ixracı üçün sıfır dərəcələrə imkan verən qanun imzalayıb.

Busaat.az xəbər verir ki, qanuna əsasən, hökumət ixrac rüsumlarını altı ayadək azalda və müəyyən müddət ərzində dost ölkələrə malların ixracı üçün bir ilə qədər tarif kvotası, yəni gömrük rüsumlarının azaldılmış və ya sıfır dərəcələri müəyyən edə bilər.
Rusiyanın baş naziri Mixail Mişustin izah edib ki, yeni qanun dost ölkələrə taxıl, gübrə və xammal tədarükünün artımını stimullaşdıracaq. Onun sözlərinə görə, qanun logistika marşrutlarında dəyişikliklərin nəqliyyat xərclərinin artmasına səbəb olduğu regionlara və sanksiyalara məruz qalan Rusiya şirkətlərinə kömək edəcək. Hökumət həmçinin malların qiymətlərinin monitorinqi və ixrac rüsumunun dərəcələrinin hesablanması prosedurunu müəyyən edə, idxal olunan mallar üzrə tarif kvotalarının həcminin bir hissəsinin bölüşdürülməsi üsulunu və qaydasını müəyyən edə biləcək.

Busaat.az