“Barselona”nın polşalı hücumçusu Robert Levandovski İspaniya çempionatının 23-cü turunda “Almeriya” ilə matçda zədələnib.
Busaat.az xəbər verir ki, klubun mətbuat xidmətindən verilən məlumata görə, ona sol budun biseps əzələsinin zədələnməsi diaqnozu qoyulub.
Relevo-ya görə, Levandovski təxminən iki həftə ərzində oyunları buraxacaq və İspaniya kubokunda “Real Madrid”ə qarşı oynamayacaq. Qarşılaşma martın 2-də baş tutacaq.
Cari İspaniya çempionatında Levandovski “Barselona”nın heyətində 20 oyun keçirib, 15 qol vurub və 5 məhsuldar ötürmə verib.