
Rusiya və Özbəkistan Prezidentləri Əfqanıstandakı vəziyyəti müzakirə edib
Rusiya Prezidenti Vladimir Putin və Özbəkistan Prezidenti Şavkat Mirziyoyev arasında telefon danışığı olub.
Bu barədə Busaat.az Kremlin mətbuat xidmətinə istinadən xəbər verir.
Tərəflər regional problemlərlə bağlı, ilk növbədə, Əfqanıstanda vəziyyətin gərginləşməsi kontekstində fikir mübadiləsi aparıblar.
“İkitərəfli gündəlikdə duran məsələlər müzakirə edilərkən Rusiya-Özbəkistan strateji tərəfdaşlıq və müttəfiqlik münasibətlərinin inkişafına yüksək qiymət verilib”, – məlumatda deyilir.
İki ölkənin prezidentləri gələcək əlaqələr barədə razılığa gəliblər.























